XX. mendeko Euskararen Corpus estatistikoa
Testuingurua
Ludiak ez zuen ulertzen zer zen
- Oroimenak gordetzen dituen kajoi izugarri bat edo antzeko zerbait - esan zuen batek.
Ludiak ez zuen ulertu.
- Gizonak denetik gorde eta ikusteko erabiltzen duen toki bat; hildako loreak, hildako intsektuak, gastatutako gauzak.
Ezin zuen ondo ulertu, baina museo batean egotea edonork amesten duen zerbait dela iruditu zitzaion: besteek zu mirestea eta gogoratzea denbora neurtzeko erabiltzen diren hitz guztiak baino harantzago.
- Museo bat
- Mu-se-o bat - errepikatu zuen poliki-poliki hitz hori memorian sartzeko.
- Etzaitez buruarina izan
- Ez zara konturatzen hilda egon beharko zenukeela museoan egoteko?.
- Ez al duzu ulertzen?.
- Hilda eta disekatuta.
- Eta agian ez duzu kolekzionatzeko balio...- hasi zen esaten bietako bat, eta geratu egin zen bapatean.
- Zergatik esan diozu hori?- errieta egiten zion bere lagunak antenak tente ipiniz.